టాలీవుడ్ లో స్టార్ హీరోల సినిమాలంటే దాదాపు అన్నీ మాస్ ఓరియెంటెడ్ లో
ఉంటాయి. వీరు ఇప్పటివరకు ఎక్కువగా ఇలాంటి సినిమాలే వచ్చాయి. ఈ చిత్రాల్లో..
హీరోలు విజిలేస్తే.. పది కార్లు పైకి ఎగిరి పడడం.. కంటి చూపుతోనే
చంపేయడం.. తోడ కొడితే పది మంది విలన్ లు పడిపోవడం.. ఇలాంటి డైలాగ్లు..
యాక్షన్ లు మన స్టార్ సినిమాలో ఎక్కువగా కనిపిస్తాయి. పులులు, సింహాలు
పుట్టుకొస్తుంటాయి. అయితే ఇవన్నీ హీరోల ఇమేజ్ ను పెంచుతాయనేది.. లేక సినిమా
కథ ఎలా ఉన్న వీటితో హిట్ సాధించవచ్చనే నమ్మకంతో సినిమాలు తీస్తున్నారు మన
స్టార్లు. వారికి తగ్గట్టుగానే సినిమా స్టోరీ ఉంటుంది. ఇది ఇప్పటి వరకు
నడిచిన.. నడుస్తోన్న టాలీవుడ్ ట్రెండ్. అయితే ఈ మాస్ చిత్రాలతో కొన్ని హిట్
అయినవి ఉన్నాయి. కొన్ని ఫ్లాప్ అయినవి ఉన్నాయి. ఈ మధ్య మాస్ చిత్రాలు చాలా
వరకు థియేటర్ల వద్ద బోల్తా కొట్టడంతో దిమ్మ తిరిగి మైండ్ బ్లాక్ అయిన మన
స్టార్ హీరోలు ఇప్పుడు ట్రెండ్ మార్చారు. మాస్ తో లాభం లేదని భావించిన
మనోళ్లు ఇక క్లాస్ సినిమాలకు ప్రాధాన్యతనిస్తున్నారు. అచ్చమైన తెలుగుదనం
ఉట్టిపడే సినిమాలు తీస్తూ ఇండస్ట్రీలో బంపర్ హిట్ లు కొడుతున్నారు.
టాలీవుడ్ లో సరికొత్త ట్రెండ్ కు శ్రీకారం చుట్టారు. పవన్ కళ్యాణ్, మహేష్,
ఎన్టీఆర్, ప్రభాస్ ఇలా ఇప్పుడు అందరు స్టార్ హీరోలు ఇదే మంత్రాన్ని
జపిస్తున్నారు. 'మాస్ వద్దు.. క్లాసే ముద్దు' అనే మంత్రాన్ని జపం
చేస్తున్నారు. దీంతో సక్సెస్ బాటలో దూసుకుపోతున్నారు.
మన స్టార్ హీరోలు ఇంతకు ముందు చేసిన మాస్ సినిమాల హిట్లు, ఫ్లాప్
లు, ఇప్పుడు తీస్తున్న క్లాస్ సినిమాల గురించి మన ట్రెండ్ గురు లో
తెలుసుకుందాం..
'మాస్' లుక్ తో హిట్ ఇచ్చిన చిత్రాలు..
మన టాలీవుడ్ ఇండస్ట్రీలో గతంలో చాలా సినిమాలు మాస్ ఓరియెంటెడ్ లో వచ్చాయి.
వీటిలో చాలా సినిమాలు హిట్ అయ్యాయనే చెప్పవచ్చు. మహేష్ బాబు తీసిన
సినిమా'టక్కరిదొంగ', 'ఒక్కడు, పోకిరి', 'దూకుడు' వంటివి మాస్ చిత్రాలుగానే
వచ్చాయి. వీటిలో చాలా సినిమాలు హిట్ అయ్యాయి. ఇవి ప్రిన్స్ ను స్టార్ ను
చేశాయి. ముఖ్యంగా పోకిరి సినిమా అయితే ఏకంగా కలెక్షన్ల రికార్డులను
టాలీవుడ్ రుచి చూపించింది. అలాగే పవన్ కళ్యాణ్ కు మాస్, క్లాస్ కాన్సెప్ట్
తో వచ్చిన చిత్రం 'ఖుషి', జల్సా ఈ సినిమాను పవన్ లోని పవర్ స్టార్ ను
తెలుగు తెరకు పరిచయం చేశాయి. అలాగే రీసెంట్ వచ్చిన 'గబ్బర్ సింగ్' కూడా
మాస్ చిత్రంగానే వచ్చి బక్సాఫీస్ వద్ద రికార్డులను క్రియేట్ చేసింది. ఇక
టాలీవుడ్ 'డార్లింగ్ ' .. విషయానికి వస్తే.. 'చత్రపతి' సినిమా ప్రభాస్
జాతకాన్నే మార్చింది. 'రాజమౌళి' డైరెక్షన్ లో వచ్చిన ఈ చిత్రం ఒక సెన్సేషన్
హిట్ అయ్యింది. ఈ సినిమా 'బుజ్జిగాడికి' స్టార్ ఇమేజ్ తెచ్చిపెట్టింది.
అలాగే టాలీవుడ్ 'యంగ్ టైగర్ ' ఎన్టీఆర్ కు స్టార్ ఇమేజ్ తెచ్చిన చిత్రం
'ఆది'. తన రెండవ చిత్రంతోనే తెలుగు తెరకు తన సత్తాను చూపించాడు ఎన్టీఆర్.
ఇవన్నీ మాస్ చిత్రాలే. ఒకరకంగా చెప్పాలంటే మాస్ సినిమాలతోనే మన హీరోలు
స్టార్ లుగా మారారు.
మాస్ ముదిరి బోల్తా కొట్టింది..
మాస్ సినిమాలను కొనసాగిస్తున్న మన హీరోలకు ఆ తర్వాత వచ్చిన చిత్రాలు
దిమ్మతిరిగి మైండ్ బ్లాక్ చేశాయి. ' అతిథి', 'సైనికుడు', 'బిజినెస్ మాన్'
వంటి చిత్రాలు మహేష్ కు షాక్ ఇచ్చాయి. మాస్ గా ఉన్న ఈ సినిమాలు ఈ హీరోకు
భారీ డిజాస్టర్ ను మిగిల్చాయి. అలాగే.. పవన్ కళ్యాణ్ చేసిన 'గుడుంబా
శంకర్', 'బాలు', 'పంజా', 'పులి', 'రాంబాబు' వంటి చిత్రాలు టాలీవుడ్ లోనే
పెద్ద డిజాస్టర్ లుగా మిగిలాయి. ఇదే కాకుండా ప్రభాస్ కు.. 'బుజ్జిగాడు',
'యోగి', 'మున్నా', 'రెబల్' చిత్రాలు ఆయన కెరీర్ లో పెద్ద ఫ్లాప్ చిత్రాలు.
ఇక ఎన్టీఆర్ కు 'నాగ', 'ఆంధ్రావాలా', 'కంత్రి', 'బాద్ షా' వంటి చిత్రాలు
మాస్ గా వచ్చి థియేటర్ల వద్ద బోల్తా కొట్టాయి. ఇన్ని డిజాస్టర్లను చూసిన మన
హీరోలు మనసు మార్చుకున్నారు. క్లాస్ రూటే బెటర్ అని ఫిక్స్ అయ్యారు. అలా
కొన్ని ప్రయోగాలు చేసి సక్సెస్ కూడా అయ్యారు. ఆ సక్సెస్ లను దృష్టిలో
పెట్టుకొని ఇప్పుడు 'మాకు మాస్ వద్దు క్లాస్ సినిమాలే ముద్దు' అని సక్సెస్
మంత్రం జపిస్తున్నారు.
డిజాస్టర్ లతో క్లాస్ సినిమాల వైపు మొగ్గు..
మన హీరోలు మాస్ సినిమాల డిజాస్టర్ల రుచి చూశాక ఇక లాభం లేదనుకున్నారో ఏమో
ఇప్పుడు స్టార్ హీరోలందరూ.. క్లాస్ సినిమాలపై మొగ్గు చూపుతున్నారు. అలా
టాలీవుడ్ టాప్ హీరోలు ఇప్పుడు మంచి తెలుగు సినిమాలపై పడ్డారు. వారిలో
ముందుగా 'పవన్ కళ్యాణ్'గురించి చూస్తే.. చాలా వరకు మాస్ చిత్రాలు తీసి
అలసిపోయి' పులి'.. కొత్తగా 'అత్తారింటికి దారేదీ' అనే అచ్చతెలుగు టైటిల్ తో
కుటుంబా కథా చిత్రంలో నటిస్తున్నాడు. దీంతో క్లాస్ ప్రేక్షకులను
ఆకట్టుకునే ప్రయత్నం చేస్తున్నాడు. అలాగే మహేష్ కూడా రీసెంట్ గా 'సీతమ్మ
వాకిట్లో సిరి మల్లె చెట్టు' సినిమాతో తనలోని 'క్లాస్ పోకిరిని' తెలుగు
తెరకు చూపించాడు. ఇక ప్రిన్స్ చేయబోయే చిత్రాలు కూడా క్లాస్ గా ఉండేలా
జాగ్రత్త పడుతున్నట్లు టాలీవుడ్ సమాచారం. అయితే ప్రస్తుతం మహేష్.. 'వన్'
సినిమాలో నటిస్తున్నాడు. అలాగే మాస్ సినిమాలతో అలసిపోయిన మరో 'దమ్ము'న్న
స్టార్ 'ఎన్టీఆర్'. ఒక 'బృందావనం' సినిమా తప్ప అన్ని మాస్ చిత్రాలు తీశాడు ఈ
'కంత్రి'. ఇవి మార్కెట్ లో భారీ డిజాస్టర్లుగా మారడంతో ఇప్పుడు కొత్తగా '
రామయ్యావస్తావయ్యా' తో తనలోకి క్లాస్ టచ్ మరో సారి తెలుగు తెరకు
చూపించబోతున్నాడు. ఇదే బాటలో ఇప్పుడు ప్రభాస్ కూడా ఉన్నట్లు తెలుస్తోంది.
అయితే ప్రస్తుతం ఈ 'డార్లింగ్' స్టార్ డైరెక్టర్ రాజమౌళి దర్శకత్వంలో '
బాహుబలి' సినిమాలో నటిస్తున్నాడు.
మాస్ నుంచి క్లాస్ కు మన హీరోలు మారడం సంతోషించే విషయమైనా.. ఆ సినిమాలను ప్రేక్షకులు ఎలా స్వీకరిస్తారనేది వేచి చూడాలి.
.jpg)
No comments:
Post a Comment