మహాశివరాత్రి కానుకగా ఛార్మి "మంగళ"

ఛార్మింగ్ గాళ్ ఛార్మీ ప్రధాన పాత్రలో మంత్ర ఎంటర్‌టైన్‌మెంట్స్ పతాకంపై ఓషో తులసీరామ్ దర్శకత్వంలో రూపొందిన సస్పెన్స్ థ్లిల్లర్ చిత్రం "మంగళ". ఈ చిత్రం మహాశివరాత్రి కానుకగా మార్చి 2న తెలుగు ప్రేక్షకుల ముందుకు రానుంది.ఈ సందర్భంగా చిత్ర సమర్పకుడు గంగపట్నం శ్రీధర్ మాట్లాడుతూ.. ఛార్మీకి ఇదొక డిఫరెంట్ చిత్రం అవుతుంది. ఇటీవలే విడుదల అయిన ఆడియోకి కూడా అద్భుత స్పందన వచ్చినందుకు ఆనందంగా ఉందని, గతంలో మా కాంబినేషన్‌లో వచ్చిన మంత్ర చిత్రంలానే ఈ చిత్రం కూడా అందరినీ అలరించి.. అద్భుత విజయం సాధిస్తుందని ఆశాభావం వ్యక్తం చేశారు.

ఛార్మీ, ప్రదీప్ రావత్, విజయ్ సాయి, ఉత్తేజ్, పావలా శ్యామలా తదితరులు నటిస్తున్న ఈ చిత్రానికి కెమెరా: మంత్ర శివేంద్ర, సంగీతం: విశ్వ, సమర్పణ: గంగపట్నం శ్రీధర్, సహనిర్మాత: నాగేశ్వరరెడ్డి, నిర్మాతలు: సిహెచ్‌వి శర్మస ఓషో తులసీరామ్, కథ, స్క్రీన్‌ప్లే, దర్శకత్వం: ఓషో తులసీరామ్.