జూనియర్‌ ఎన్టీఆర్‌ లగ్నపత్రిక వేడుక

నందమూరి వంశం మూడో నటవారసుడు జూనియర్ ఎన్టీఆర్, పారిశ్రామికవేత్త నార్నె శ్రీనివాస రావుల కుమార్తె లక్ష్మీప్రణితల వివాహ లగ్న పత్రిక వేడుక ఆదివారం ఫిల్మ్‌నగర్‌లో ఘనంగా జరిగింది. వధువు తండ్రి నార్నె నివాసంలో ఉదయం 8.05 గంటలకు జరిగిన వేడుకలు జరిగాయి. ఈ వేడుకల్లో వరుడు తండ్రి నందమూరి హరికృష్ణతో పాటు తెలుగుదేశం పార్టీ అధినేత నారా చంద్రబాబు నాయుడు కుటుంబ సభ్యులు హాజరయ్యారు.

కాగా, ఇప్పటికే జూనియర్ ఎన్టీఆర్ వివాహాన్ని మే ఐదో తేదీన జరుగుతుందని హరికృష్ణ ప్రకటించిన విషయం తెల్సిందే. అయితే, వివాహ వేదిక, సమయం వివరాలను త్వరలో వెల్లడించనున్నారు. తల్లిదండ్రులు, సోదరులు, కుటుంబ సభ్యుల సమక్షంలో ఈ వేడక జరుపుకోవడం తనకు ఎంతో సంతోషంగా ఉందని జూనియర్‌ ఎన్టీఆర్‌ ఈ సందర్భంగా ఉన్నారు.

అంతకుముందు హరికృష్ణ మాట్లాడుతూ.. ఈ వివాహానికి ప్రతి ఒక్కరినీ పేరుపేరునా ఆహ్వానిస్తున్నట్టు చెప్పారు. ముఖ్యంగా, మహిళలు, అభిమానలు, కార్యకర్తలు, ఇలా హితులు, సన్నిహితులు అందరినీ ఆహ్వానిస్తామన్నారు. పూర్తి వివరాలను త్వరలోనే వెల్లడిస్తామని హరికృష్ణ తెలిపారు.