సంక్రాంతి కానుకగా జనవరి 12న వెంకటేష్‌ 'బాడీగార్డ్‌'

విక్టరీ వెంకటేష్‌ హీరోగా మల్టీడైమెన్షన్‌ ఎంటర్‌టైన్‌మెంట్స్‌ (ప్రై) లిమిటెడ్‌ సమర్పణలో శ్రీసాయిగణేష్‌ ప్రొడక్షన్స్‌ (ప్రై) లిమిటెడ్‌ పతాకంపై గోపీచంద్‌ మలినేని దర్శకత్వంలో బెల్లంకొండ సురేష్‌, బెల్లంకొండ గణేష్‌బాబు నిర్మిస్తున్న భారీ యాక్షన్‌ ఎంటర్‌టైనర్‌ 'బాడీగార్డ్‌'. ఈ చిత్రం జనవరి 12న సంక్రాంతి కానుకగా విడుదల కానుంది.............ఈ సందర్భంగా నిర్మాత బెల్లంకొండ సురేష్‌ మాట్లాడుతూ - ''ఒక్క పాట మినహా షూటింగ్‌ మొత్తం పూర్తయింది. డిసెంబర్‌లో ఆడియో రిలీజ్‌ చేసి జనవరి 12న సంక్రాంతి కానుకగా ఈ చిత్రాన్ని రిలీజ్‌ చెయ్యాలని ప్లాన్‌ చేస్తున్నాం. థమన్‌ ఈ చిత్రానికి ఎక్స్‌ట్రార్డినరీ మ్యూజిక్‌ ఇచ్చారు. వెంకటేష్‌ బాబు కెరీర్‌లోనే ఓ విభిన్న చిత్రంగా 'బాడీగార్డ్‌' రూపొందుతోంది. మా బేనర్‌లో వెంకటేష్‌బాబు చేస్తున్న ఈ రెండో సినిమా తప్పకుండా పెద్ద హిట్‌ అవుతుందన్న నమ్మకం నాకు వుంది'' అన్నారు.

వెంకటేష్‌, త్రిష, సలోని, ప్రకాష్‌రాజ్‌, కోట శ్రీనివాసరావు, ఆలీ, సుబ్బరాజు, ధర్మవరపు సుబ్రహ్మణ్యం, ప్రగతి తదితరులు ముఖ్యపాత్రలు పోషిస్తున్న ఈ చిత్రానికి మాటలు: కోన వెంకట్‌, సంగీతం: థమన్‌, ఫోటోగ్రఫీ: శ్యామ్‌ కె.నాయుడు, ఫైట్స్‌: రామ్‌లక్ష్మణ్‌, ఆర్ట్‌: ఎ.ఎస్‌.ప్రకాష్‌, ఎడిటింగ్‌: గౌతంరాజు, డాన్స్‌: రాజుసుందరం, బృంద, విష్ణుదేవా, కో-డైరెక్టర్‌: సురేష్‌కుమార్‌, ఎగ్జిక్యూటివ్‌ ప్రొడ్యూసర్‌: ప్రసాద్‌ మైనేని, నిర్మాతలు: బెల్లంకొండ సురేష్‌, బెల్లంకొండ గణేష్‌బాబు, స్క్రీన్‌ప్లే-దర్శకత్వం: గోపీచంద్‌ మలినేని.