ఐటమ్ సాంగ్ ఏంటీ.. ఎలాంటి రోల్స్ అయినా ఓకే!: విద్యాబాలన్

ది డర్టీ పిక్చర్‌తో సెక్సీ ఇమేజ్ సొంతం చేసుకున్న బాలీవుడ్ అందాల తార విద్యాబాలన్.................. ప్రస్తుతం ఎలాంటి రోల్స్ చేయడానికైనా సిద్ధమంటోంది. అటు హోమ్లీ, ఇటు గ్లామరైనా సరే ఎలాంటి రోల్స్ చేసేందుకు రెడీ అంటుంది. అంతేకాదు.. ఉత్తరాది, దక్షిణాదిలో ఐటమ్ సాంగ్‌ చేసేందుకైనా రెడీ అంటోంది.

తనకు నార్త్, సౌత్ అనే తేడా లేదని, తాను ఓ నటినని విద్య చెబుతోంది. భలో థెక్ అనే హిందీ సినిమా ద్వారా బాలీవుడ్ తెరకు పరిచయమైన విద్యా బాలన్, పరిణీత, భోల్ భులైయా వంటి చిత్రాల్లో హోమ్లీ పాత్రలు పోషించింది. అయితే హోమ్లీ పాత్రలు, వాణిజ్య ప్రకటనలు, బెంగాలీ, హిందీ, మలయాళ చిత్రాలు నటించి బోర్ కొట్టిందో ఏమో గానీ విద్యాబాలన్ ఒక్కసారిగా గ్లామర్ రోల్‌తో కుర్రకారును ఆకట్టుకుంటుంది.

ద డర్టీ పిక్సర్‌లో తన అందచందాలను ఆరబోసేందుకు ఏ మాత్రం వెనుకడుగు వేయని విద్యాబాలన్ ఈ చిత్రానికి గాను ఉత్తమ నటి ఫిల్మ్ ఫేర్ అవార్డును సొంతం చేసుకుంది. ప్రస్తుతం కహానీ చిత్రంలో విద్యాబాలన్ నటిస్తోంది.

ఈ చిత్రంలో విద్యాబాలన్ ప్రెగ్నెంట్ లేడీగా మిస్సయిన తన భర్తను వెతికే పాత్రలో కనిపించనుంది. ఈ నేపథ్యంలో ఎలాంటి రోల్ పోషించడానికైనా తాను రెడీగా ఉన్నానని చెబుతోంది. దీంతో నిర్మాతలు ఆమె కాల్షీట్ కోసం ఎగబడుతున్నారని బాలీవుడ్ టాక్.